Steinar Kjeldsen Kvartett Vinir okkar frá Noregi koma og heiðra okkur með nærveru sinni. Steinar Kjeldsen Kvartett er frá Vesteralen sem er norðarlega í Noregi. Jón Hilmar og Einar Bragi fóru til Noregs í haust og kynntust þeir þessum fínu tónlistarmönnum í þeirri ferð. Steinar Kjeldsen Kvartett er skipaður þeim: Steinar Kjeldsen - pianó Oddmund Finnseth - bassi og söngur Tim Challman – sax og flauta Jan Olsen – trommur Kvartettinn spilar jasstónlist úr öllum áttum. Á hátíðinni verða þeir félagar með gesta gítarista Arne Strømsnes og leika jassættað rokk og fusion í bland við aðrar stefnur. Þeir Jón Hilmar og Einar Bragi lásu grein um bassaleikara sveitarinnar Oddmund Finnseth í heimsókn þeirra síðasliðið haust og er hann ekki bara þekktur sem þrusu bassaleikari heldur hefur hann afrekað það að skjóta þrjá elgi á aðeins 20 sec. Hann skattar líka eins og andsk... Steinar sjálfur er formaður Sortland jass og viseklubb en þeir halda hátíð sem er nærri því jafn gömul og okkar hátíð – takið eftir nærri því! Það verður því spennandi að heyra hvað þessir norsku vinir okkar bjóða uppá og munu þeir leika á undan Mezzoforte. |
|---|